DataLife Engine - Softnews Media Group

0

1. 2019 жылы Бауыржан Момышұлы атындағы орта мектебі жанында құрылған Қамқоршылық кеңесінің мүшелеріне өзгерістер енгізу туралы

ТЫҢДАЛДЫ: 1.1. Қ.Дәулетов – Қамқоршылық кеңес төрағасы «Ауылымыздағы үлкен білім ошағының бірі – Қарақыстақ ауылдық округіне қарасты, Каменка ауылында орналасқан Бауыржан Момышұлы атындағы орта мектебі екендігін айтты. Бауыржан Момышұлы атындағы орта мектебі бүгінгі заман талабына сай қызмет ететін білім ошағы – деді.
Бүгінгі күні мектеп ұжымы жұмыла жұмыс атқарып көптеген нәтижеге жетіп отқанын айтты. Ұстаздарымыз өздерінің алдында тұрған міндеттерін жауапкершілікпен сезінеді және өздерінің басты міндеті тәрбие процесін қазіргі талапқа сай, жоғары нәтижеге жету жолында үнемі ізденісте жүретіндігін айтып мектептің 2017-2018 оқу жылында атқарылған жұмыстарының «қанағаттанарлық» және мақтауға лайықты екенін айтып, мектептегі қамқоршылық кеңес жұмысы нәтижеге бағытталған жұмыстар атқарып жатқандығын, 2018 жылға мектеп тарапына, мектептің ата-аналары мен оқушылары арасында ешқандай келеңсіздіктер мен түсініспеушіліктер және арыз-шағымдар тіркелмегенін таныстырды. Дәулетов Қыстақ сондай-ақ кеңес мүшесі Жалпақсаз ауылдық округінің тұрғыны Садиева Барноның өз еркімен отбасылық жағдайына байланысты, Каменка ауылының тұрғыны Ауесбаев Менлихан денсаулығына байланысты, Қарақыстақ ауылдық округінің аппараты КММ бас маманы И.Омаровтың өз еріктерімен бас тартуларына байланысты, өтініштерімен таныстырып мүшелікке жаңа азаматтарды қабылдауды және ұсыныс тастауды ұсынды.

СӨЙЛЕДІ:1.1.А.Н.Қабылханов – Қарақыстақ ауылдық ақсақалдар кеңесінің төрағасы, қамқоршылық кеңес мүшесі: «Нәтижеге бағытталған мектеп жұмысын басқаруда мектеп әкімшілігі мен мектеп педагогтеріне айтар алғысым шексіз. Мектеп әкімшілігі мектеп жұмысын дамытуда дұрыс болжам жасап, ұжымды ортақ мүддеге тоғыстырып отыр. Сонымен қатар, оқушылардың бос уақытын тиімді пайдалануға байланысты іс-шаралар мен байқаулар, спорттық ойындар, интелектуалдық сайыстар жыл бойы ұйымдастырылып өткізіледі. Өз балаларымыз да өте қызығушылықпен спорттық ойындарға қатысып, көптеген жетістіктерге де жетіп жүр. Бұл мектеп ұжымы мен мектеп әкімшілігінің еңбегі, мектеп басшысы М.Қ.Мейманхановтың жұмысты дұрыс жолға қоя білуінің нәтижесі деп білемін. Мектепте іс – шаралар жыл бойы мерекелік даталы күндерге, ақын-жазушылардың туған күндеріне т.б. мейрамдарға орай жоспарға сай жүргізіліп отыратындығына біршама қатысып та көз жеткіздік. Сондай шараларға белсенді қатысып, мектепке жаны ашитын ауыл тұрғындары да жетерлік. Атап айтсам, ата-ана Серибаев Мұрат, Бекенов Құдайберген, Исмаилова Пернекул, Демеуов Қошқарбай, Қарақыстақ ауылдық округі әкімі аппаратының жетекші маманы Гүлмира Баятанованы ұсынамын» - деді.

СӨЙЛЕДІ: 2.2.Канарова Аманкуль Қарабаевна – Қарақыстақ ауылының тұрғыны, зейнеткер, ата-ана, қамқоршылық кеңес мүшесі, Қарақыстақ ауылдық ақсақалдар кеңесінің төрағасы, қамқоршылық кеңес мүшесі Амангелді Қабылхановтың ұсынысымен толық келісетіндігін айтып, жоғарыда аталған азаматтардың ауылда беделді, мектептің қоғамдық күнделікті өмірінде белсенді екенін айтып, ұсыныспен толық келісетіндігін жеткізді.

ҰСЫНЫС:

1.1. 2019 жылы Бауыржан Момышұлы атындағы орта мектебі жанында құрылған «қамқоршылық кеңесі» мүшелігінен Б.Садиева, М.Ауесбаев, И.Омаров шығарылып, Г.Баятанова, М.Серибаев, Қ.Бекенов, П.Исмаилова, Қ.Демеуов кеңес мүшелігіне ұсынылсын.
1.2. Қамқоршылық кеңес жұмысын жандандыру мақсатында білім беру ұйымына қолдау көрсету, атап айтқанда оның жарғылық функцияларының іске асырылуына, материалдық техникалық базасының нығаюына көмектесу және оның қызметіне қоғамдық бақылау жүргізу жұмыстары жүргізілсін.

Қамқоршылық кеңес төрағасы Қ.Дәулетов

Қамқоршылық кеңес мүшелері Г.Баятанова
З.Оразалиева
А.Қабылханов
Н.Садыбеков
Қ.Бекенов
Ж.Арыстанбекова
А.Канарова
П.Исмаилова
Қ.Демеуов
М.Серибаев


Хатшы А.Уразбаева